"Moris Mak Tentasaun Domin"

wee iha ai-funan nia okos hakonu deit ho foer, maibe ai-funan buras nafatin.

Nunka dehan lae, sé domin ne’e sei iha entre it’rua.

Nunka dehan ba Malu, Katak seluk sei iha, no sei mai hamaluk iha tempu Ida, basá tempu ba it’rua Laos atu koalia seluk ba Malu atu hamonu domin ne’ebé ita kuidadu durante ne’e.

Husi susar, ita halo ona sakrafisio, hamutuk hodi hasoru tentasaun ne'ebé lá espera atu it’rua nia domin burras nafatin.

lalika husik dezafiu ne’ebé mosu halakon it’rua nia domin ne’e.

Se domin ne’e iha duni, uja bá, hodi hetan alegria.

Koalia los, se hetan ona domin ne’e; Ita labele hanoin mistériu ne’ebé iha deit imajinasaun atu hamouth realidade domin ne’ebé ita kuidadu to’o tempu aat ka diak, metin nafatin ne’e.

Husik tentasaun mai atu hametin domin ne’e...lalika husik tentasaun ne’ebé mosu hodi Haketak it’rua nia domin.

Tentasaun mos mai hanesan udan ween bé turuk habokon it isin.

Maibé, fiar metin katak domin sei halo ita komprende konba siknifika moris nian.

Ó mak hau nia domin no hau mak o nia domin, realidade mak ida ne’e... Mistériu mai Husi mehi, maibé realidade mak kesi relasaun no hametin domin...

Mehi Laos domin lolos, tanba mehi hafraku it nia domin ne’ebé kuidadu hanesan oan nurak, Hakiak hanesan aifunan ne’ebé it sempre rega ho wee....!!!

Husi o matan domin ne’e mosu, hodi kesi metin iha fuan, Husi domin ne’ebé iha dezafiu mosu no Husi dezafiu mak sei hatudu domin lolos...!!!

Hakerek Nain : Tchay-M’quia.

Dili, 25/09/15

Parte II, HAMOUTH A’AN IHA  HAKMATEK NIA LARAN.

Agus hatan Nora hafoin tinan 5.

Lia fua ne’ebé Agus hato’o ba Nora wainhira hetan sucesso.

foto ilustrasaun. : Hakuak morna.

Agus rai nafatin lia fuan Nora nian ne’ebé hatun Agus, lia fuan hafera fuan maibe Agus rai metin iha fuan hun.

Wainhira  Agus fila husi servisu fatin; nia servisu lalin sasan iha loja ida “Nora dehan hau la eskola ne’e loos” Agus koko halo refleksaun badak ba nia aan, wainhira toba iha nia kuartu laran.

Osan ne’ebé nia hetan husi nia servisu todan ne’e mos oituan deit, tanba loja nain sira aplika salariu mínimu $115, maske oituan maibe ne’e to’o ona ba Agus atu hatutan moris.

Wainhira Agus simu osan “osan ne’e hau tenki rai balun atu nune’e hau bele ba tau naran wainhira universidade simu estudante foun”  dehan Agus hodi hateke ba osan.

Husi ne’e, Agus rai ona osan, maibe nia la rai ba kaixa depojitu hanesan ema seluk, nia rai deit iha kaixa mamuk supermi nian ne’ebé rai hela iha nia kuartu laran.

Loron troka ba semana, fulan ba tinan universidade hahu fo sai ona avizu hodi fo hatene ba publiku ne’ebé hakarak hasaé nia nivel eduksaun; iha momentu ne’e  “patraun, hau bele husu lisensa loron ida deit ga lae? Tanba hau iha problema atu rejolve” Agus husu haraik aan ba loja nain “bele Agus, maibe tenki tama fali para ita haloot sasan tanba sasan barak mai husi rai liur” loja nain fo hanoin nafatin ba Agus “obrigadu barak maun” Agus hatan ho oin midar hodi lao husik loja.

            Agus hahu foti ona nia osan no dokumentus ne’ebé antes ne’e nia rai hela iha nia pasta kikoan ne’ebé nia tara hela iha didin lolon.

Dader san nakukun, mahoween sei habokon aitahan, rai sei hakmatek tebes, Agus hahu hader ona husi toba fatin hodi lori dokumentus ba tau naran iha universidade.

“Alin hein deit aviju depois mai tuir teste” resepsionista fo hatene ba Agus no lolo resibu hafoin tau naran “diak mana” Agus hatan no haraik nia hamnasa mihis hodi hakat ain husik kampus.

            Servisu to’o fulan ida ho balun nia laran, Agus haré fila fali ba resibu ne’ebé universidade fo ne’e “aii aban hau tuir ona teste” Agus hakfofak wainhira haré surat tahan ne’e.

Wainhira teste hotu, ema hahu ba haré nia naran, Agus mos ba uma hodi ba haré rejultadu , Agus nia matan halai ba mai iha surart mutin ne’ebé nakonu deit ho estudantes ne’ebé liu teste nia naran, “Obrigado Maromak” Agus agradese tanba nia naran sai.

            Husi ne’e Agus hahu hanoin, nia atu hili servisu ka hili eskola, maibe karik nia hili servisu deit, nia sei la eskola, no eskola deit nia sei la hetan osan, iha minuutu balun nia laran, hanoin mosu husi Agus nia kakutak, nia tenki eskola kalan no loron nia tenki ba servisu hodi selu ba nia propinas.

Agus lori tui-tuir nia roupa no livru eskola nian iha pasta, tanba sai husi servisu kalan boot nia tenki kontinua kedan ho nia estudu.

Nia hili departamentu komunikasaun sosial, Agus estuda makas la depende deit ba dosente sira, hanesan uluk nia fo hatene ba eis namorada Nora (Nora feto ida ne’ebé mak Agus hadomi tebes, maibe tan dehan Agus la eskola entaun sira nia domin tenki para provisorio ).

Agus hili komunikasaun sosial tanba Agus buka referensia barak katak, eskola komuniakasaun mak bele hatutan komunidade nia lian ba Nain ulun sira nia tilun, uja eskola nudar meio ida atu nia komunika ho ema ho maneira ne’ebé diak.

Agus hahu eskola iha universidade, maibe  Nora nia kolega balun eskola ho Agus iha departamentu ida, sira fo hatene ba Nora, katak Agus agora eskola hela, no nia mos ema ida ne’ebé iha vontade duni atu aprende.

Loron ida “Maun Nora nia doben ga lae??” Nora nia kolega husu ba Agus “ema hanesan Nora, ohin loron hau sidauk merese ba nia, tanba nia eskola boot ona ne’e...maibe hau fiar, aban bainrua hau mak sei kaer metin nia liman hodi hasoru laloran moris” Agus hatan hodi fo esperansa ba Nora nia kolega.

            Durante Agus eskola nunka hatudu nia aan ba Nora katak nia eskola ona iha universidade ida, Agus helik deit, maibe nia promete loron ida nia sei hatudu aan ba Nora katak nia mos susesu ona.

Lia fuan moruk be uluk Nora haraik ba nia, Agus sente hanesan lalelonok ba nia atu leno aan hodi hatene nia realidade rasik hodi esforsu nia aan.

Eskola hasoru sasidik oioin maibe la satan nia dalan atu aprende, Agus nia objetivu mak tenki hatudu nia aan ba ema seluk katak nia mos susesu, nia hakmatek iha fatin maske ema kolia aat nia, husik nia aksaun susesu mak responde ba ema sira ne’ebé hatun nia.

Hafoin tinan lima, Agus resjista nia naran hodi tuir graduasaun, Agus ne’ebé mak uluk Nora hatun dehan la eskola, kakutak delek, ohin loron sai oin seluk tanba hafutar ona hena metan iha nia isin lolon, hautudu, Agus nia luta iha tinan lima nia laran hodi hetan sertifikadu basarelatu (s1) remata ona; molok nia simu graduasaun, nia fo ona surat ida ba Nora liu husi Nora nia kolega “Nora, karik o haluha ona hau, durante tinan lima nia laran ita la hasé malu, maibe iha biban ida ne’e hau hakarak ita boot mai hasoru hau iha salaun Ex Mercado dader tuku 08:00, hein katak, Nora sei hiit aan mai hasoru hau ” konteudu husi surat ne’e la klaru, maibe Agus hakarak duni hakerek hanesan ne’e atu nune’e fo surpreja ba Nora.

Nora nia fuan nafunan, basá ema ne’ebé  hamouth aan iha hakmatek nia laran durante tinan lima mosu teki-teki iha nia mehi real; Nora hahu latan nia isin iha dukur nia ukun “Agus nia surat ne’e la klaru, maibe nia dehan hau ba hasoru, hau tenki ba, tanba ne’e Agus mak konvida” Nora hanoin iha laran.

Teki-teki rai naroman lori Nora ba fatin ne’ebé horseik Agus promete, maibe oras hatudu ona ba tuku 09:00, Nora nia matan fihir ba Ex merkadu laran hakonu deit ho ema sira ne’ebé hatais hena metan, halo Nora konfunde liu tan, nia koko kontaktu maibe Agus nia telefone mate hela.

Nora sadere aan ba parede iha iha Ex merkadu laran hodi hateke ba mai, tan deit buka Agus, maibe nia nafatin la hetan tanba ema sura la nahas.

“Agus dos Santos, lisensiadu iha departamentu komunikasaun sosial” teki-teki anin suut lori naran ne’e hasé Nora nia tilun “Naran ne’e hau hatene, ida ne’e Agus nia naran kompletu, nia mos tuir graduasaun hotu ga?” Nora hanoin iha laran no konfunde.

Nora foti matan hodi baku ba Reitor no dosente sira nia oin hodi haré ba joven isin lotuk ne’ebé hafutar hena metan iha isin loron hakruk hela ba reitor atu muda xapeu nia talin, nia mak Agus ne’ebé uluk Nora hatun tan deit la eskola.

Nora hahu dada aan hodi ba hein Agus iha odamatan boot molok seremonia ne’e to’o rohan, Agus mos hahu buka ona feto ne’ebé uluk hatun nian ne’e maibe  la hetan tanba hein ona iha portaun, Agus hakat sai ain husi Ex merkadu nia laran derepente Nora satan nia dalan “parabens no parabens Agus...maibe hau husu deskulpa barak hakonu ho ita boot nia fuan, ba hau nia lia fuan ne’ebé uluk soke ita boot nia fuan” dehan Nora hodi kaer Agus nia liman “Nora obrigado barak;  hau perdua ona, molok lia fuan deskulpa monu husi  ita boot  nia ibun,  o nia lia fuan moruk  ne’ebé uluk o hato’o mak ohin loron hau sai ona Agus lolos (SUSESU), antes ne’e hau fuan moras, maibe hau refleta aan,  hau konsiente, konsidera lia fuan ne’ebé o hato’o nudar motivasaun ba hau”  hatan Agus hodi hateke ba Nora nia matan laran.

“hau bele hakuak o ga lae” Nora husu “Bele deit tanba hau O nian, ohin loron no ba futuru” hatan Agus ba Nora hodi fo rein ba Nora nia rentos, husi ne’e Agus ho Nora hatutan fali sira nia domin ne’ebé mak kotu durante tinan lima nia laran. Hein sira nia domin sei buras ba bebeik.

Lalika hatan o nia lia fuan ba ema nia lia fuan ne’ebé hatun O, maibe rai metin iha fuan nia hun,  hakat ba oin, husik o nia aksaun mak hatan ema nia lia fuan.

Hakerek Nain : Constancio dos Santos Vieira.

 

       HAMOUTH A’AN IHA  HAKMATEK NIA LARAN.

“O tenki tuir hau, hau mak tenki hili universidade mak o eskola ba, se lae hau la apoia”

“ Universidade hotu-hotu diak, naran katak ita mak estuda” konversa badak no simples husi Nora ho Agus liu husi telefone.

Nora nudar estudante ida ne’ebé eskola iha universidade famozu ida iha Díli, besik atu remata nia estudo, tanba tama ona ba teoria livre no Agus mane ida ne’ebé remata deit nia estudo iha nivel Sekundário.

Nora sempre ejije Agus hodi kontinua nia estudu iha eskola nivel aas (Universidade), maibe Agus mai husi familia ne’ebé nia ekonomia fraku tebes, maske nune’e nia esforsu hodi  halao nia servisu nudar traballador iha empreja ida iha kapital Díli, Agus hakarak eskola maibe la iha osan hodi selu propinas.

Iha Agus nia servisu loro-loron nian, nia kesi domin ho feto  klosan ida ne’ebé isin lotuk, fuuk badak too deit iha kabás, morena no ain as 165 cm, tinan 26, nia naran Nora.

Domin nia dikin hahu nani no buras, tanba sira rua rega deit ho lia fuan murak no pasensia, maske hasoru sasidik oioin, Nora ho Agus tuba no halao nafatin sira nia domin no konsege tinan ida liu.

“Doben hau hakarak eskola duni maibe osan sidauk to’o” Agus sempre konta realidade ne’ebé nia hasoru ba nia murak rai Nora, tanba Nora sempre obriga Agus atu eskola iha unversidade.

“Eskola ne’e diak hela xaaaa, la dun gasta osan ida” Nora hatan hodi motiva Agus nudar nia doben.

Maske Agus nafatin kolia nia realidade moris, maibe Nora la preokupa no nia hakarak Agus tenki eskola iha universidade.

Nora lakohi rona Agus nia lia fuan maske esplika neneik ba nia, Nora nafatin lakohi rona tanba nia dehan nia deit mak hatene kona ba eskola nia lalaok.

 “Nor...wainhira haruka hau eskola ne’e bele fo hanoin, ho lian mamar, lalika lori o nia maneirra hatun hau hanesan ne’e” hateten Agus ba Nora ho lia be neneik wainhira Agus rona Nora nia lian hahu makas iha telefone hodi hatun nia.

“karik hau la eskola konserteja Nora moe tanba hela tinan ida nora eskola hotu ona no nia atu tau xapeu metan (toga hitam), maibe halao domin ho ema ne’ebé nivel edukasaun kiik hanesan hau” Agus nia hanoin iha laran.

“universidade hotu-hotu la diak, só universidade ida deit mak diak maka universidade ne’ebé hau eskola bá” dehan Nora ho lian makas maske nia doben sidauk katak buat ida.

“Eskola hotu-hotu diak naran katak ita tenki estuda, lê barak lalika hein deit dosente sira” hatan Agus ho lian neneik.

“Agus eskola ida hau eskola ba ne’e halo ami matenek, o mos tenki eskola par matenek hanesan hau” Nora dehan tan hodi hatudu aan ituan ba Agus.

Maske Nora hatudu aan dehan matenek maibe rejultadu eskola la hanesan ho buat ne’ebé mak nia kolia bele dehan babain deit.

Nora tenki ejiji Agus tanba Nora nia kolega sira nafatin fo hanoin ”o eskola boot mos bele ba foti fali ema ida hanesan Agus ne’e, eskola kiik tan, o la moe ka?”

Lia fuan ne’e mak Nora rai iha nia kakutak hodi obriga nafatin Agus hodi eskola.

Nora lori nia eskola ne’ebé besik hotu dadauk ne’e hodi sadik ba Agus, maibe Agus kolia mamar nafatin maske fuan ne’e atu nakfera.

Agus sente lia fuan ne’ebé Nora hato’o hakat ona nia pasensia “nusa o tenki halo aan! Lori o nia eskola boot hodi hatun hau nudar onia doben” heteten Agus ho lian be triste no makas hodi hamate telefone iha liman.

Nora telefone fila-fila maibe Agus lakohi simu ona tan deit lia fuan “tinan rua mai tan ema sei la presija ema eskola kiik, presija deit mak eskola boot hanesan ami ne’e” dehan Nora ba Agus.

Agus la simu nafatin telefone no rai nia telefone iha kama ulun “o hirus ne’e urusan, o eskola ka la eskola ne’e URKEKE” lia fuan ne’e mak Nora manda ba Agus liu husi mensagen wainhira Agus hare nia ekran (layar) telefone nian.

Agus hare no hanoin lia fuan ne’e ho mataween nakonu iha nia matan fuan no la hatan lia fuan ne’ebé Nora manda ba nia.

Agus obriga nia aan tenki toba tanba oras hatudu ona ba numeru 23:47, kalan ne’ebé ema seluk sente furak ne’e moruk ba Agus nia toba.

Agus koko hahu taka neneik nia matan maske fuan ne’e moras hanesa daun rihun ida ne’eb’e sona neneik.

Molok Agus toba “la buat ida Nor...diak liu hadok aan husi hau, tanba hau hatene o nia maneira ne’e la simu ema eskola kiik hanesan hau, lalika simu ema hanesan hau, hau la eskola aban bain rua hamoe o nia familia tomak” nia koko manda lia fuan liu husi (Watsaap) maibe lia fuan ne’e la hetan resposta husi Nora.

Agus hahu taka ona nia matan hodi la hare mundu nia furak maibé lia fuan moruk ne’ebé ohin Nora hato’o ba nia la lakon husi nia neon.

“kokorekoooo....kokorekooo.....” manu hahu fanun emar hotu husi nia toba fatin, Agus hahu hader, sente isin todan maibe obriga nia aan tenki hader husi toba fatin hodi ba servisu hanesan ema traballador.

Nia foti telefone no koko loke (watsaap) “okkk semoga hau hetan mane ne’ebé eskola boot iha futuru” lia fuan ne’e mak Nora hatan ba Agus nia lia fuan ne’ebé manda hori kalan.

“Afinal hori kalan ne’e Nora nia maneira ida oinsa atu husik hau tan deit hau eskola kiik ” Agus hanoin iha laran wainhira le’e hotu lia fuan ne’ebé Nora manda ba nia liu husi WP.

Iha loron ne’e kedan Agus ho laran todan hamoos Nora nia número telefone ne’ebé hakerek (DEAR NORA), maske liman toos maibé tenki hamoos atu nune’e labele hanoin nafatin Nora nia prejensa no lalatak.

Agus la iha lia fuan, nia monok lia fuan rihun ba rihun, no hahu halao nia servisu hanesan traballador, Nora nia lalatak habosok nafatin Agus, maibe nia konsiente katak ema hanesan nia aan la merese ba Nora ne’ebé buka deit eskola boot.

Molok fahe malu ne’e mosu iha sira rua nia leet, Agus istima no kuidadu nora hanesan ai funan buras ida iha Agus nia jardim domin, Nora maña ba Agus, han no hemu hamutuk iha fatin no tempu ne’ebé sira sente livre, sira mos sempre goja malu ho istima malu.

Aiknanoik midar ne’e nakfila sai moruk, istoria furak ne’ebé sira hamosu iha tinan ida nia laran, nahas iha minutu balun nia laran hanesan maho-ween maran, tan loron hanas.

            Nora ho Agus nia domin mouth ona iha dalan klaran, la too rohan, planu hotu-hotu nabén no suar lakon husi sira nia haré, feto isin lotuk ne’e mos la liga ona mane (Agus) ne’ebé uluk istima no kuidadu nia.

“Ohin loron Agus la vale, maibé loron aban nia sei vale ba ema hotu nia matan, hau la lakon vontade, hau tenki eskola no estuda barak, ema ne’ebé eskola hotu uluk la signifika nia susesu, maibe ema ne’ebé susesu mak ema ne’ebé hetan dezafio oioin maibe la satan nia hakat” Agus hanoin iha laran.

Hakat ba oin hodi husik loron ohin, ain tanen sama luron loron aban nian, hakoi historia furak no moruak ne’ebé ita hakur hamutuk.

Lian ai-tarak sona hau tilun, borus hau fuan, la iha lia fuan be monu iha hau ibun hodi hatan.

Nora nia egoista troka deit ho arepende wainhira Agus hamouth aan iha hakmatek nia laran hodi hein loron aban be hakonu ho mehi foun.

Hakerek husi : Constancio D.S. Vieira. (Scos Vieira)/ 16/09/16//

FOHO (MUNDO PERDIDO) OSSÚ HELIK INAN ISIN RUA NIA HALERIK.

FOHO (MUNDO PERDIDO) OSSÚ HELIK INAN ISIN RUA NIA HALERIK.

foto Google......Foho Mundo Perdido iha postu administrativo Ossu Municipio Viqueque.

Hanesan imi hatene nanis, Postu Administrativo Ossú koñesidu ho foho (Mundo Perdido) nia furak, duut matak hafutar foho ne’e nia hun, klima ne’ebé malirin halo fuan hakmatek liu tan.

Maibe, foho  nia furak ne’e helik povu suku Liaruka nia mataween, helik realidade moruk bé emar sira iha.

populasaun hamutuk 1.994 no husi total familia ne’e hetan uma kain 1.332 iha suku Liaruka ne’ebé helik iha foho (mundo Perdido), halerik tanba falta  estrada, la asesu ba saúde, wee moos no eletrisidade, hahu husi Timor-leste haketak aan husi Indonesia sira nia ukun, maibe sidauk iha Intervensuan husi Governo//

“Ami koko kous inan isin rua ba sentru saúde Ossú maibe balun iis kotu iha dalan tanba husi ami nia suku Liaruka ba sentru Saúde ne’e 17 kilometru, ami kbiit la to’o maibe pasensia tenki kous tanba estrada la diak halo ambualsia mos la tama” dehan Emeresiana do Rosario komunidade suku Liaruka postu administrativu Ossú Munisipiu Viqueque.

Inan isin rua balu tenki lakon vida hamutuk ho nia oan; realidade ne’e moruk, maibe  nudar ema kbiit laek husik monok iha fatin hodi simu ralidade.

“hau nia alin feto rasik nia oan mos mate tanba la konsege lori ba sentru saúde Ossú” hateten Emerensian ho mataween hakonu iha matan fuan.

Dalaruma komunidade ajuda malu ho nia kareta kamioneta hodi tula nia maluk ne’ebé moras todan ba centro saúde, maibe ho konsidaun estrada no kareta ne’ebé la favoravel halo pasiente iis kotu iha dalan.

“iha ne’e maluk balun fo nia kareta kamioneta hodi tula pasiente ne’ebé moras todan, maibe la to’o tan sentru saúde mate deit iha dalan, veteranos balun nia alin mos mate deit iha dalan entaun ami lori fila mai uma hodi hakoi” Tome carvalho  fó sasin.

Xefe suco Liaruka posto administrativo Ossú Munisipiu Viqueque, Rita da Costa mos rekoñese realidade moruk ne’ebé nia emar sira hasoru.

“Estrada ne’e governo sidauk tau iha responsabilidade maske timor-ukun aan tinan sanolu liu ona, hau nia komunidade ne’e kous deit inan isin rua hodi ba sentru saúde” dehan nia.

jornalista koko hato’o komunidade nia preokupasuan ba Ministra Saúde, Maria do Céu Pina, hafoin konsellu Ministru iha Palasio Governo/maibe Ministra Saúde rejeita fo komentariu no kontinua tama ba nia kareta luxu hodi lao dadaun.

Ministra Saúde mos lakohi fo komentário se los mak bele hatan povu nia halerik ne’e.